"Балалардың күлген видеосын тиктокқа салып жіберіпті": Айыпталушылардың туыстары таралған видеоға шағымданды

Айыпталушылардың соттан күліп шыққан видеосы қоғамда резонанс тудырды

Шерзат Полат ісі бойынша Талдықорғанда өтіп жатқан сот процесінде айыпталушылардың туыстары әлеуметтік желіде тараған видеоға байланысты сотқа шағым түсірді, деп хабарлайды POLITICO.KZ.

Аталған видеода айыпталушылардың кейбірі сот залынан күліп шыққаны көрінеді. Бұл кадрлар TikTok пен басқа әлеуметтік желілерде қызу талқыланды. Туыстың айтуынша, бейнені рұқсатсыз түсіріп желіге салып жіберген.

Сот отырысы 5 мамыр күні тікелей трансляциямен жалғасуда.