"Бавария" клубы Ғалымжан Кенжебекке қызығушылық танытып жатыр

Мюнхеннің “Бавария” клубы “Қазақстан” мен семейлік “Елімай” клубының жартылай қорғаушысы Ғалымжан Кенжебекке қызығушылық танытып жатыр.Бұл туралы POLITICO.KZ хабарлайды.

Дереккөздердің хабарлауынша, Бундеслиганың гранд клубының скауттары Қазақстан құрамасының Лихтенштейнге қарсы өткен матчта 22 жастағы футболшының ойынына жоғары баға берген.

Айта кетейік, бұл ойында Ғалымжан Кенжебек 2 рет гол соғып, дубль авторы атанған. Ал бір рет сәтті пас берген. 

Сонымен қатар, оның осы ойындағы бір голы 2026 жылғы Әлем чемпионатына іріктеу турындағы үздік төрт голдың қатарына енген. Қазіргі таңда "Бавария" скауттары ойыншының мансабы мен әлеуетіне қатысты қосымша мәліметтер жинауға кіріскен көрінеді.