«Бес адам жұқтырған, емі жоқ»: еліміздің ұлттық орталығы жаңа вирусқа қатысты дабыл қақты

Қазақстанның қоғамдық денсаулық сақтау ұлттық орталығы Нипах вирусының таралуына байланысты сақтық шараларын сақтауға кеңес береді, деп хабарлайды Politico.kz.

Орталықтың мәліметінше, вирус – адамға жарғанаттардан, шошқалардан, сондай-ақ ластанған азық-түлік пен науқас адаммен тығыз қарым-қатынас арқылы жұғатын қауіпті зооноздық инфекция.

«Қазіргі уақытта Үндістанның Батыс Бенгалия штатында бұл вирус жұқтырудың 5 жағдайы тіркелді. Нипах вирусына қарсы вакцина да, нақты емі де жоқ, сондықтан алдын алу шараларын сақтау аса маңызды», - делінген орталық мәлімдемесінде.

Орталық егер Нипах вирусы анықталған өңірлерге баруды жоспарлап отырған адамдарға сақтық шараларын ұстануды ескертті:

Жарғанаттармен, шошқалармен және басқа да жабайы жануарлармен жақындаспау;
Қолды сабынмен жиі жуып, антисептик пайдалану;
Тек қауіпсіз (қайнатылған немесе бөтелкедегі) ауыз суды ішу;
Шикі финик шырынын және жануарлар ластауы мүмкін тағамдарды бас тарту;
Жеміс-жидектер мен көкөністерді мұқият жуып, қабығын аршып жеу.

Егер сапардан кейін дене қызуының көтерілуі, жөтел, қатты бас ауруы сияқты белгілер пайда болса – дәрігерге дереу қаралып және шетелге шыққаныңызды міндетті түрде ескертіңіз.

ауру вирус Денсаулық Денсаулық сақтау министрлігі