Бір сәтте көз жұмған 119 адамның мәйіті табылды

Техаста су тасқынынан қаза тапқандар саны 119-ға жетті, деп хабарлайды POLITICO.KZ. 

Керр округінде кем дегенде 95 адам, оның ішінде 36 бала қаза тапты. Тағы 150 адам әлі күнге дейін із-түзсіз жоғалғандар қатарында. 

BBC мәліметінше, олардың арасында 5 бала мен Гвадалупе өзенінің жағасында орналасқан қыздарға арналған жазғы лагерьдің бір тәрбиешісі бар.

Айта кетейік, 4 шілде күні толассыз жауған нөсер салдарынан Гуадалупе өзені арнасынан асып кеткен. Биліктің мәлімдеуінше, су деңгейі өте жылдам көтерілген. Алайда олар тұрғындарды алдын ала эвакуацияламаған, өйткені синоптиктер мұншалықты жауын жауады деп болжамаған.