Бірнеше рет сотты болған қылмыскер тағы адам өлтіруге оқталған

Бұрын бірнеше рет қылмыс жасаған ер адам кісі өлтіруге оқталғаны үшін Армениядан экстрадицияланды, деп хабарлайды POLITICO.KZ Бас прокуратураға сілтеме жасап. 

Бас прокуратура мен ІІМ-нің қызметкерлері бірнеше рет сотталған қазақстандықты кісі өлтіруге оқталғаны үшін Ереваннан экстрадициялады. 

Бас прокуратура мәліметінше, 2024 жылдың қыркүйегінде Петропавл қаласында ер адам мас күйінде жәбірленушіні бірнеше рет пышақтаған. Ол қылмыс жасағаннан кейін қашып кеткен, сондықтан оған халықаралық іздеу жарияланған.

Өткен жылдың қазан айында күдікті Армения аумағында ұсталды. Қазір ол уақытша тергеу изоляторына қамалды. 

Айыпталушыны он бес жылдан жиырма жылға дейiнгi бас бостандығынан айыру жазасы күтіп тұр.