Бұрынғы президентке қатерлі ісік диагнозы қойылды

Байденге қатерлі ісік диагнозы қойылды, деп хабарлайды POLITICO.KZ. 

АҚШ-тың бұрынғы президенті Джо Байден қуықасты безі қатерлі ісігіне шалдыққан. Бұл туралы «Рейтер» агенттігі экс-президенттің кеңесіне сілтеме жасап хабарлады. Олардың мәліметіне қарағанда, диагноз 3 күн бұрын қойылған. Дерт ағзаға таралып, сүйекке метастаза берілген. Бірақ хабарламада ауру агрессивті болғанымен, оны тиімді түрде емдеуге болады деп жазылған. 

Қазір Байден мен оның отбасы емдеу нұсқаларын дәрігерлермен бірге талқылап жатыр. Байденнің денсаулығы мен ақыл-ойы бұған дейін де бұқаралық ақпарат құралдарының назарында болған еді. Ол ең қарт президент ретінде тарихқа енді.