Дастан Оразбеков “Орда” тобының таралу себебін түсіндірді

Әнші Дастан Оразбеков “Орда” тобының таралуына қатысты пікір білдірді, деп хабарлайды POLITICO.KZ.

Әйгерім Сейфолланың “Сырласу” бағдарламасына берген сұхбатында әнші топтың болашағы туралы айтты.

“Қазір нақтылай айта кетсек, ары қарай “Орданы” қалай дамытамыз деген жоспарымыз тоқтатылды. Әдетте “Орда” үзілістермен жүреді. Бір кезде жұлдызымыз жарқ ете қалады да, кейін пауза жасаймыз. Бірақ менің жан дүниемде “Орда” толықтай тарады деп айта алмаймын. Егер жігіттер қайтадан жиналайық десе, бәрін тастай салып, қайта бас қосуға дайынмын. Бірақ қазіргі таңда әрқайсымыз жеке шығармашылықпен айналысып жатырмыз, сондықтан осы шешімді дұрыс деп санадық,” – деді Дастан Оразбеков.