Дикий Арманның анасы дүниеден озды

8 тамыз күні 2022 жылғы қаңтар оқиғаларында Алматыда жаппай тәртіпсіздікке қатысқаны үшін сотталған Арман Жұмагелдиевтің (Дикий Арман) анасы дүниеден өтті, деп хабарлайды POLITICO.KZ Orda.kz сайтына сілтеп. 

Бұл туралы оның жақын досы Нұржан Иманалиев Instagram парақшасында жазды.

«Құрметті досымыз Арманның асыл анасы, тәте Роза өмірден өтті. Жалғыз ұлын ұзақ жылдарға соттаған ауыр кезеңдерді бастан өткерді. Бірақ ол анасынан теріс айналған жоқ», – деп жазды ол.

Нұржан Иманалиевтің айтуынша, Арман Жұмагелдиевтің анасы қайтыс болар алдында Қостанайдағы ұлын барып көрген. Осы кездесуден кейін жүрегі сыр беріп, ауруханаға түсіп, сонда жан тапсырған.