Елімізде ресми тіркелген жұмыссыздардың өзі артып келеді

Бүгін Ұлттық статистика бюросы Қазақстандағы еңбек нарығындағы жағдайды мәлімдеді, деп хабарлады politico.kz. Биылғы II тоқсанда Қазақстандағы Халықаралық еңбек ұйымының әдістемесі бойынша есептелген (табысты кәсібі (жұмысы) болмаған, оны белсенді іздеген және жұмысқа кірісуге дайын) жұмыссыздық деңгейі 4,7% қамтыды). Республика экономикасының әтүрлі салаларында 9 190,4 мың адам жұмыспен қамтылды. Олардың 6 971-і (жұмыспен қамтылғандардың жалпы санынан 75,9%-ы) жалдамалы қызметкер болса, 2 219,4 мың адам (жұмыспен қамтылғандардың жалпы санынан 24,1%) - өзін-өзі жұмыспен қамтығандар. 15 және одан жоғары жастағы халыққа шаққандағы жұмыспен қамту деңгейі 64,9%-ды қамтыды. 15-34 жастағы жастар арасындағы жұмыссыздық деңгейі 3,2%-ды қамтып отыр. Еңбек және халықты әлеуметтік қорғау министрлігінің жұмыспен қамту органдарында 2024 жылғы шілде айының соңына 338,7 мың жұмыссыз ресми тіркелген. Тіркелген жұмыссыздардың үлесі жұмыс күшінің 3,5%-ын қамтыды. Фото: gov.kz