Елімізде жер сілкінісі сезілді

Қазақстандық сейсмологтар Түркістан облысында 2 балдық жер сілкінісін тіркеді, деп хабарлайды POLITICO.KZ.

Еліміздің төтенше жағдайлар министрлігінің мәліметінше, сейсмикалық станциялар желісі 2025 жылғы 3 қарашада Астана уақытымен 01:29-да жер сілкінісін тіркеген.

"Жер сілкінісінің эпицентрі Алматы қаласынан оңтүстік-батысқа қарай 1079 шақырым жерде, Ауғанстан аумағында орналасқан. Тереңдігі – 120 шақырым. Жер сілкінісінің энергетикалық класы – 14,2. MPV магнитудасы – 6,2", – делінген хабарламада.

Түркістан облысында есептік қарқындылығы мынадай:

• Мақтаарал ауданы, Мырзакент кенті – 2 балл,
• Жетісай ауданы, Жетісай қаласы – 2 балл,
• Шардара ауданы, Шардара қаласы – 2 балл.

Кейінірек ТЖМ жер сілкінісі Шымкент қаласында да сезілгенін, оның күші 2 балл болғанын хабарлады.

Ведомствоның мәліметінше, зардап шеккендер мен қирандылар туралы ақпарат жоқ.