Халыққа қызмет көрсету орталықтары республика күні жұмыс істемейді

Қазақстанда Халыққа қызмет көрсету орталықтары Республика күні мерекесіне байланысты жұмыс кестесін өзгертті, деп хабардайды POLITICO.KZ.

Биыл ұлттық мереке, 25 қазан, сенбі күніне сәйкес келетіндіктен, бұл күні барлық орталықтар жұмыс істемейді.

Ал демалыс күні ауыстырылған дүйсенбі, 27 қазанда, тек кезекші орталықтар мен мамандандырылған орталықтар ғана жұмыс істейді.

Олардың жұмыс уақыты келесідей болады:

• Кезекші орталықтар: Азаматтарды қабылдау сағат 9:00-ден 13:00-ге дейін.
• Мамандандырылған орталықтар: Азаматтарды қабылдау сағат 12:00-ге дейін, ал дайын құжаттарды беру сағат 13:00-ге дейін жүргізіледі.

28 қазаннан бастап барлық Халыққа қызмет көрсету орталықтары қалыпты жұмыс кестесіне оралады.

Кезекші орталықтардың нақты тізімі мен мекенжайларын Мемлекеттік корпорацияның Instagram-дағы ресми парақшасынан немесе 1414 бірыңғай байланыс орталығына хабарласу арқылы білуге болады.