"Иранмен соғыс ұзаққа созылады": Израиль премьер-министрі үндеу жасады

Израиль премьер-министрі Иранмен соғыстың ұзақ болатынын мәлімдеді

Израиль премьер-министрі Биньямин Нетаньяху ұлттық үндеуінде Иранмен соғыс ұзаққа созылатынын мәлімдеді. Ол алғашқы әскери операцияның табысты өткенін, Израильдің ядролық қару жасауға жауапты командалық орталықтар мен ғалымдарға соққы беріп, ядролық инфрақұрылымға нұқсан келтіргенін айтты. Сонымен қатар, мұндай соғыстың үлкен шығыны болатынын мойындап, ел азаматтарын ұзаққа созылатын әскери қимылдарға дайын болуға шақырды. Нетаньяху халыққа азық-түлік пен қажетті заттармен қамдануды ұсынды, бірақ ең бастысы – шыдамдылық пен жеңіске деген сенім қажет екенін баса айтты. Бұл операция «Халқыммен бірге Құдайым» деп аталды, ол Израильдің күштілігін және оны ешкім жеңе алмайтынын көрсететінін атап өтті.