Кей қазақстандықтардың несиесі есептен шығарылуы мүмкін, бірақ өзгеріс кімдерге қатысты

Қаржы нарығын реттеу және дамыту агенттігі төрағасының орынбасары Олжас Қизатов ақпан айында несие алудан ерікті түрде бас тарту туралы заң күшіне енгенін еске салды. Қазір бұл құқықты 385 мың қазақстандық пайдаланған,-деп хабарлайды politico.kz

"Біз банктер мен микроқаржы ұйымдарының осы нормаларды орындаудағы жауапкершілігін қосымша қарастырдық. Егер олар несие алудан бас тартқан тұлғаларға несие берcе, банктер мен микроқаржы ұйымдары осы қарыздарды есептен шығаруға және кредиттік бюро жүйесінде аталған тұлғаларға қатысты теріс несие тарихын алып тастауға міндетті", – деді ОКҚ брифингінде агенттік төрағасының орынбасары.