Көкшетауда интимдік қызмет көрсетілген орындар әшкереленді

31 шілде 2026, 23:10 1159

Көкшетауда интимдік қызмет көрсетілген орындар әшкереленді

Ақмола облысының полиция қызметкерлері Көкшетау қаласында интимдік қызмет көрсетілген бірнеше притонның қызметін тоқтатты, деп хабарлайды Politico.kz.

Облыстық Полиция департаментінің мәліметінше, притон ұйымдастыру және ұстау, сондай-ақ жеңгетайлық жасау факілері бойынша сотқа дейінгі тергеу басталған. Жедел-іздестіру шаралары барысында облыс орталығының екі тұрғыны ұсталды.

Тінту кезінде күдіктілерден 1 миллион 857 мың теңге көлеміндегі ақша, ұялы телефондар және тергеу үшін маңызды өзге де заттай дәлелдемелер тәркіленді.

Сонымен қатар, полицейлер интимдік қызмет көрсеткен азаматтардың да жеке басын анықтаған.

Қазіргі уақытта аталған іс бойынша сотқа дейінгі тергеу жалғасып жатыр. Тергеу мүддесіне байланысты өзге ақпарат жарияланған жоқ.

Алматы облысындағы жанармай бекетіне қарулы шабуыл жасалды

«Өзін емес, өзгені ойлады»: Оралда бойжеткен жасөспірімді құтқарамын деп көз жұмды

интимдік қызмет Көкшетау Полиция притон тінту

Бізді Google-дың негізгі дереккөздер тізіміне қосыңыз

Қосу