«Мына әлемді жақсарта түсемін» деп армандаңыздар. Мұраттарыңызға жетесіздер – Тоқаев
Мемлекет басшысы Қасым-Жомарт Тоқаев Волонтерлер форумында сөз сөйледі, деп хабарлайды Politico.kz.
Президент Конституцияға ұсынылған түзетулердің ішінде жауапты әрі жасампаз отаншылдық туралы идея бар екенін айтты.
«Отаншыл азамат дегеніміз – жауапкершілігі жоғары және жасампаз азамат. Мен еліміздегі әрбір еріктіні – баршаңызды дәл осындай нағыз отаншыл азаматтар деп санаймын. Жауапты әрі жасампаз патриотизм идеясы әрбір волонтердің жанына жақын. Менің бұған еш күмәнім жоқ», - Тоқаев.
Мемлекет басшысының айтуынша, әрбір азамат өзінің және қоғамның игілігі жолында күнделікті адал еңбек етіп, әлемді жақсарта түсуге ұмтылуға тиіс.
«Танымал қоғам қайраткері пастор Мартин Лютер Кинг «I have a dream», яғни «Менің де арманым бар» деген еді. Сондықтан «мына әлемді жақсарта түсемін» деп армандаңыздар. Мұраттарыңызға жетесіздер деп ойлаймын»», - деді президент.
Соңғы жаңалықтар
