Назым Қызайбай Олимпиаданың жартылай финалына шықты

3 тамыз 2024, 20:22 1076

Бокстан Қазақстан әйелдер құрамасының мүшесі Назым Қызайбай Париж Олимпиадасының жартылай финалына шықты, деп хабарлайды Politico.kz.

Әйелдер арасында 50 келі салмақта сынға түсіп жатқан Қызайбай ширек финалда колумбиялық Валенсия Лорена Ингритпен жұдырықтасқан болатын.

Тартысты жекпе-жектің алғашқы екі раундында төрешілер 3:2 есебімен жеңісті Назымға берді.

Жалпы есепте Назым Қызайбай 4:1 есебімен жеңіске жетіп, Олимпиаданың жартылай финалына өтті.

Финал жолдамасы үшін таласта Қызайбай қытайлық Ву Юмен жұдырықтасады.

Фото: Тұрар Қазанғапов

Назым Қызайбай Олимпиада Париж

Бізді Google-дың негізгі дереккөздер тізіміне қосыңыз