Оралда жатақханадан бір адамның мәйіті табылды

Оралда жатақханада болған өрттен бір адам қайтыс болды, деп хабарлайды Politico.kz. 

Батыс Қазақстан облыстық төтенше жағдайлар департаментінің мәліметінше, 15 наурызда Чурин көшесінде орналасқан жатақханадан өрт шықты.

Жатақханадан 40 адам, оның ішінде 5 бала өз бетінше эвакуацияланды. 

«Өртті сөндіру барысында улы газбен улану белгілері бар 1969 жылы туған ер адамның мәйіті табылды. Өрттің шығу себебі төсекте темекі шегу болған. Тілсіз жауды оқшаулауға Департаменттің 18 жеке құрамы мен 7 техникасы жұмылдырылды», - дейді өрт сөндірушілер.