Президент Ақтаудағы апатқа байланысты мемлекеттік комиссия құруды тапсырды

Президент Қасым-Жомарт Тоқаевтың тапсырмасымен Ақтау маңында орын алған ұшақ апатын тергеу үшін арнайы мемлекеттік комиссия құрылды, деп хабарлайды POLITICO.KZ.

Комиссияны Қазақстан Республикасы Премьер-Министрінің орынбасары Қанат Бозымбаев басқарады.

Мемлекет басшысы бұл қайғылы оқиғаға жедел әрекет етуді тапсырды. Сондай-ақ, Астанадан медициналық мамандарды Ақтауға жіберу және зардап шеккендерге барлық қажетті көмекті көрсету бойынша нұсқау берілді.

Еске сала кетейік, ұшақ бортында 67 жолаушы мен 5 экипаж мүшесі болған. Қазіргі уақытта құтқару және тергеу жұмыстары жүргізілуде. Зардап шеккендерге медициналық көмек көрсетіліп жатыр.