Президент Қорғаныс министрі Руслан Жақсылықовты қабылдады

Мемлекет басшысы, Қазақстан Қарулы Күштерінің Жоғарғы Бас қолбасшысы Қасым-Жомарт Тоқаев Қорғаныс министрі Руслан Жақсылықовты қабылдады, деп хабарлайды POLITICO.KZ.

Кездесу барысында Қорғаныс министрі армияның жауынгерлік дайындығы, әскерлерді даярлаудың жаңа тәсілдері, мемлекеттік қорғаныс тапсырысын орындау, әскери инфрақұрылымды дамыту және әскери қызметшілердің әлеуметтік жағдайын жақсарту туралы есеп берді.

Президент армияның жауынгерлік әлеуетін арттыру, басқару жүйелерін цифрландыру, Арнайы операциялар күштерін дамыту, сондай-ақ әскердегі әлеуметтік және идеологиялық жұмыстарды күшейту бойынша нақты тапсырмалар берді.

Қасым-Жомарт Тоқаев елдің қорғаныс қабілетін нығайту Қарулы Күштердің басты міндеті екенін атап өтті. Сондай-ақ, әскери инфрақұрылымды дамыту және әскерді заманауи технологиялармен жабдықтау жұмыстары жалғасатынын айтты.