Президент жаңа ашылған Coca-Cola Içecek Kazakhstan зауытында болды

Президент Қасым-Жомарт Тоқаев жаңадан ашылған Coca-Cola Içecek Kazakhstan зауытына барды, деп хабарлайды POLITICO.KZ.

Озық технологиялармен жабдықталған және автоматтандыру деңгейі өте жоғары кәсіпорын жылына 283 миллион литрге дейін сусын шығара алады.

Мемлекет басшысы өндіріс барысымен танысып, өңірдің экономикалық өсіміне серпін беретін ірі инвестициялық жобаларды қолдаудың маңызын атап өтті.

Президент зауыттың жаңа жұмыс орындарын ашуға, ішкі нарықты сапалы өніммен қамтамасыз етуге және Қазақстанның инвестициялық тартымдылығын арттыруға үлес қосатынын айтты.

Қасым-Жомарт Тоқаев отандық және шетелдік инвесторларды белсенді қолдаудың, сондай-ақ өндірісті автоматтандыру мен инновацияларды енгізудің экономиканы әртараптандырудағы шешуші рөл атқаратынын ерекше атап өтті.