"Қалада көріп қалған кезде аямаймыз": Қызылордада жас жігіттер полиция қызметкерін қорқытуға тырысты

Қызылордада жас жігіттер полиция қызметкерін қорқытуға тырысты

Әлеуметтік желілерде Қызылорда қаласында түсірілген бейнежазба кеңінен тарап, қоғамның наразылығын тудырды. Кадрларда бір топ жас жігіттің полиция қызметкерімен дөрекі сөйлесіп, арандатушылық әрекеттерге барғаны анық байқалады.

Видеода жастардың бірі тәртіп сақшысына атымен жүгініп, бейәдеп сөздер айтып, қорқытуға ұқсас ишаралар жасаған. Ол патрульдік көліктің ішіне басын кіргізіп, балағат сөздер айтып, "қалада жолықсақ аямаймыз" деген мағынада іс қимылдар көрсетеді.

Сонымен қатар, әлгі жас жігіт күмән тудыратын "қап-қара толық тонировка 14-пен жүрем" деп өз әрекеттері үшін жазаланбайтынына сенімді екенін аңғартады.