Қаңтар оқиғасында жесір қалған ана Алматы-Бішкек тасжолында көз жұмды

Алматыда 4 ақпанда жол апатынан қаза тапқан Сая Есенгелдіні соңғы сапарға шығарып салды, деп хабарлайды POLITICO.KZ, Азаттық арнасына сілтеме жасап.

Сая Есенгелді 2022 жылғы Қаңтар оқиғасы кезінде қаза тапқан Еркебұлан Сыдықбаевтың жесірі еді. Ол жолда қалған төрт баласын асырау үшін қала ішінде такси жүргізушісі болып жұмыс істеген. Қайғылы оқиға Алматы – Бішкек тасжолында орын алды.

Марқұмды Алматы маңындағы Саялы ықшам ауданындағы қорымға, күйеуінің қасына жерледі. Жаназа алдында Алматы әкімдігі мен Qazaq Stroy құрылыс компаниясы Сая Есенгелдінің отбасына үш бөлмелі пәтер сыйға тартқан. Бұл туралы бұған дейін АҚШ-та тұратын блогер Айжан Хамит Саяның үш жылдан бері әкімдіктен пәтер ала алмай жүргенін жазған еді.

Саяның жақындары мен туыстары бұл жағдайға байланысты пікір білдіруден бас тартты.