Қасым-Жомарт Тоқаев АҚШ Президентіне көңіл айту жеделхатын жолдады

Президент Тоқаев Джозеф Байденге көңіл айту жеделхатын жолдады.

Президент Қасым-Жомарт Тоқаев Жаңа Орлеан қаласында орын алған қайғылы оқиға салдарынан көптеген адамның қаза болғаны туралы суыт хабарды күйзеліспен қабылдағанын жеткізді, деп хабарлайды POLITICO.KZ.

Мемлекет басшысы АҚШ Президенті Джозеф Байденге және жақындарынан айырылған отбасыларға Қазақстан халқының атынан көңіл айтып, қайғыға ортақтасатынын білдірді.

Сонымен қатар Президент қастандық әрекетті қатаң айыптайтынын жеткізіп, зардап шеккендердің тезірек сауығып кетуіне тілектестік білдірді.

#АҚШ #Президент