Қасым-Жомарт Тоқаев үш елге жаңа елшілерін тағайындады

Сейтақынов, Викторов және Сүлейменов жаңа елшілік қызметке кірісті

Мемлекет басшысының жарлықтарымен бірқатар дипломатиялық тағайындаулар жүзеге асырылды, деп хабарлайды POLITICO.KZ.

Алмас Сейтақынов Қазақстан Республикасының Моңғолиядағы Төтенше және Өкілетті Елшісі қызметіне тағайындалды.

Сергей Александрович Викторов Қазақстан Республикасының Шри-Ланка Демократиялық Социалистік Республикасындағы Төтенше және Өкілетті Елші лауазымын атқаратын болды.

Сонымен қатар, Қазақстан Республикасының Швеция Корольдігіндегі Төтенше және Өкілетті Елшісі Олжас Мұхамедғалымұлы Сүлейменов Қазақстан Республикасының Дания Корольдігіндегі Төтенше және Өкілетті Елшісі қызметін қоса атқарушы ретінде тағайындалды.