Қазақстан 2025 жылы мұнай экспортының көлемін арттырмақ

Қазақстан 2025 жылы мұнай экспортын 70,5 млн тоннаға жеткізуді жоспарлап отыр, деп хабарлайды POLITICO.KZ.

Энергетика министрлігінің мәліметінше, 2024 жылы ел 68,6 млн тонна мұнай экспорттаған. Алдағы жылы бұл көрсеткіш 70,5 млн тоннаға дейін өседі деп күтілуде.

Министрліктің мәліметіне сәйкес, 2025 жылы Қазақстандағы мұнай өндірісі 96,2 млн тоннаға жетеді. Өндіріс көлемінің артуына Теңіз кен орнындағы кеңейту жобасы әсер етпек, бұл жоба 2025 жылдың алғашқы жартысында іске қосылады.

Теңіз кен орны – Қазақстандағы ең ірі мұнай өндіру алаңдарының бірі. Жобаның кеңеюі өндірісті арттырып қана қоймай, ел экономикасына қосымша табыс әкеледі деп күтілуде.