Қазақстан медицинасының ірі тұлғасы Камал Ормантаев дүниеден өтті

Қазақстандық белгілі педиатр, академик, ҚР ғылымына еңбегі сіңген қайраткер, Мемлекеттік сыйлықтың лауреаты Камал Ормантаев өмірден өтті. Бұл туралы оның ұлы Жарас Ормантаев әлеуметтік желіде хабарлады, деп хабарлайды POLITICO.KZ.

Камал Саруарұлы 1968-2011 жылдары Қазақ ұлттық медицина университетінің балалар хирургиясы кафедрасын басқарды. Сондай-ақ, ол Педиатрия және балалар хирургиясы ғылыми орталығын басқарған және Алматы медицина институтының педиатрия факультетінің деканы болды.

Ұлы дәрігердің еңбегі:

• Ормантаев 20 мыңға жуық операция жасаған, соның ішінде Қазақстанда алғаш рет туа біткен кеуде қуысы деформациясын түзету (торакопластика) операциясын орындаған.
• Балалар хирургиясының дамуына өлшеусіз үлес қосып, мыңдаған баланың өмірін сақтап қалды.
• Педиатрия саласына дарынды дәрігерлерді тәрбиелеп, медициналық кадрларды даярлауға үлкен еңбек сіңірді.

Камал Ормантаевтың сөзі:

"Педиатрия факультетіне табиғатынан ерекше мінезге ие, балаларға деген сүйіспеншілігі мол, олардың ауруы мен қиындықтарын жеңілдетуге ұмтылатын адамдарды қабылдау керек", – деген сөзі Ұлттық медицина қауымдастығының сайтында жарияланған.

Марқұмның отбасы мен жақындарына көңіл айтамыз.