Қазақстан мен Оңтүстік Корея бұқтырылған ет өндіретін бірлескен кәсіпорын ашады

Қазақстан мен Оңтүстік Корея еліміздің аймағында бұқтырылған ет (тушонка) шығаратын бірлескен өндірістік цех салуға келісті. Келісім Алматыда өткен Қазақстан-Корея бизнес-форумы аясында жасалды, деп хабарлайды Politico.kz.

Жобаның екі тараптан бөлінетін жалпы инвестиция көлемі 1,3 миллион АҚШ долларын құрайды. Қазақстан тарапынан жобаны жүзеге асырумен Samsar Investment компаниясы айналысады.

Бұдан бөлек, келіссөздер барысында Қазақстаннан Оңтүстік Кореяға құны 13 миллион доллар болатын 1 мың тонна сиыр етін экспорттау туралы уағдаластыққа қол жеткізілді. Сонымен қатар Samsar Investment компаниясы корей тарапына ай сайын 3 мың тонна тазартылған күнбағыс майын жеткізіп тұруға уағдаласты.

Сондай-ақ форум қорытындысы бойынша екі елдің бизнес өкілдері жалпы құны 54,8 миллион долларды құрайтын коммерциялық құжаттарға қол қойды.

Оңтүстік Корея Сауда Қазақстан

Қазақстан мен Оңтүстік Корея бұқтырылған ет өндіретін бірлескен кәсіпорын ашады

Соңғы жаңалықтар