Қазақстанда мәслихат сайлауы өтетін күн белгілі болды

ЖАЛҒАСЫ

Мәслихат сайлауы қалай өтеді: маңызды күндер белгілі болды
13.10.2026, 18:13

Қазақстанда барлық деңгейдегі мәслихат депутаттарының кезектен тыс сайлауы 29 қарашада өтеді. Бұл туралы Орталық сайлау комиссиясы төрағасының орынбасары Мұхтар Ерман мәлімдеді, деп хабарлайды Politico.kz.

Оның айтуынша, Орталық сайлау комиссиясы мәслихат депутаттарының кезектен тыс сайлауын 2026 жылғы 29 қарашаға белгілеу туралы қаулы қабылдаған.

Сайлау кезінде ел бойынша 228 мәслихатқа 3447 депутат сайланады.

Атап айтқанда:

20 өңірлік мәслихатқа – 668 депутат;
38 қалалық мәслихатқа – 626 депутат;
170 аудандық мәслихатқа – 2153 депутат.

Мұхтар Ерманның айтуынша, мәслихат депутаттарын халық тікелей сайлайды. Дауыс беру жасырын түрде өтеді. Сайланған депутаттардың өкілеттік мерзімі – 5 жыл.

Еске салайық, 12 қазанда президент Қасым-Жомарт Тоқаев барлық деңгейдегі мәслихаттардың өкілеттігін мерзімінен бұрын тоқтату туралы жарлыққа қол қойған болатын.

Құжатқа сәйкес, Орталық сайлау комиссиясына кезектен тыс сайлауды тағайындау, оған дайындық жүргізу және ұйымдастыру міндеті жүктелген.

Депутат Мұхтар Ерман мәслихат ОСК Сайлау

Бізді Google-дың негізгі дереккөздер тізіміне қосыңыз

Қосу

Қазақстанда мәслихат сайлауы өтетін күн белгілі болды

Соңғы жаңалықтар