Қазақстанда сталкинг үшін қылмыстық жауапкершілік енгізіледі

Қазақстанда сталкинг үшін жаза енгізу жоспарланып отыр, деп хабарлайды POLITICO.KZ.

Мәжіліс депутаты Абзал Құспанның айтуынша, "сталкинг" түсінігін Қылмыстық кодекске енгізу көзделуде.

"Сталкинг" арнайы бап ретінде қылмыстық теріс қылық санатына енгізіледі. Заң жобасы алдағы аптада немесе келесі аптада Мәжілісте екінші оқылымға шығарылады. Бұл құқық бұзушылық үшін айыппұл түріндегі жаза ұсынылуда", – деді депутат Абзал Құспан.

Депутаттан сталкингті неге қатаң жаза ретінде қарастырмайтынын сұрағанда, ол жаңа нормаларды енгізу кезінде абай болу қажеттігін айтты.

"Бұл – адамдардың тағдыры. Осындай маңызды шешімдерді асығыстықпен қабылдауға болмайды. Әуелі түрлі тәжірибелерді зерттеп, талдау жүргізу керек. Кейінгі уақытта жазаны күшейту мәселесін қарастыруға болады", – деп қосты депутат.