Қазақстанда үш жаңа әуежай салынбақ

Қазақстанда үш жаңа әуежайдың құрылысы басталды, деп хабарлайды POLITICO.KZ.

Жаңа әуежайлар Катонқарағай, Зайсан және Кендірлі курорттық аймақтарында салынады. Үкіметтің мәліметінше, бұл нысандарды салу жұмыстары 2025 жылдың соңына дейін аяқталады деп күтілуде.

«Қазіргі уақытта жер учаскелерін рәсімдеу және әуежайлардың жобалау жұмыстары жүргізілуде», – деп мәлімдеді Үкіметтің баспасөз қызметі.

Жаңа әуежайлардың салынуы еліміздің туризм саласын дамытуға және өңірлердің экономикалық әлеуетін арттыруға бағытталған маңызды қадам болып отыр.