Қазақстанның еңбек сіңірген дәрігері Сәуле Әбсейітова өмірден озды

Қазақстанның еңбек сіңірген дәрігері, медицина ғылымдарының докторы, профессор және Еуропалық кардиологтар қоғамының (ESC) мүшесі Сәуле Әбсейітова қайтыс болды, деп хабарлайды Politico.kz Otyrar.kz-ке сілтеме жасап.

Кардиолог созылмалы жүрек жеткіліксіздігінің ауыр түрлеріне шалдыққан және күрделі резистентті гипертониясы бар пациенттерді емдеумен айналысты. Ол диагнозы толық нақтыланбаған және емі қиын клиникалық жағдайларда медициналық көмек көрсеткен. Дәрігердің қабылдауына ем алу мақсатында елдің барлық өңірінен азаматтар арнайы келген.

Профессор клиникалық тәжірибеден бөлек, жас мамандарға тәлімгерлік етіп, медицина кадрларын даярлау ісіне белсене араласты. Әріптестері оның ұзақ жылғы қызметін отандық кардиология саласының дамуына қосқан маңызды үлес деп бағалайды.

Дәрігер Сәуле Әбсейітова Қайғылы хабар

Қазақстанның еңбек сіңірген дәрігері Сәуле Әбсейітова өмірден озды

Соңғы жаңалықтар