Қостанайда былтыр күзде жоғалып кеткен 25 жастағы жігіттің жағдайы белгілі болды

Қостанай облысында былтыр күзде жоғалып кеткен 25 жастағы Насиф Магеррамовты іздеу жұмыстары аяқталды. Жігіт тоғыз ай өткен соң өлі күйінде табылды, деп хабарлайды POLITICO.KZ. 

Насиф Магеррамов 2024 жылдың 21 қыркүйегінде Қостанай ауданына қарасты Майкөл ауылындағы үйінен шығып кетіп, сол күйі қайта оралмаған. Содан бері оны полиция мен еріктілер іздестіріп келген болатын.

«2024 жылдың 21 қыркүйегінен бастап оны туған-туыстары, полиция қызметкерлері, еріктілер және біз – іздеу жасағы іздедік. Біз үмітімізді үзбей, жақсы жаңалықтан үмітті болдық. Алайда, өкінішке қарай, бұл оқиға қайғылы аяқталды», – деп хабарлады іздеу тобының мүшелері.