Қостанайда ер адам бұрынғы әйелін атып өлтірді

19 наурыз 2026, 09:16 1024

Күдікті ретінде оның бұрынғы күйеуі танылып отыр. Ол қылмысты жасағаннан кейін өз еркімен полицияға келіп, кінәсін мойындаған.

Әлеуметтік желілерде тараған ақпарат бойынша ер адам мемлекеттік құрылымдардың бірінде қауіпсіздік саласында жұмыс істеген.

Қостанай облысы полиция департаментінің баспасөз қызметінің мәліметінше, күдікті уақытша ұстау изоляторына қамалған.

«Алдын ала деректер бойынша, әйел тұрмыстық жанжал барысында алған оқ жарақатынан көз жұмған», — деп хабарлады полициядағылар.

Күдіктінің атына тіркелген аңшылық мылтық тәркіленді.

Қазіргі уақытта оқиғаның барлық мән-жайын анықтауға бағытталған жедел тергеу шаралар жүргізіліп жатыр.

Кісі өлімі Полиция департаменті Тұрмыстық жанжал Қостанай

Бізді Google-дың негізгі дереккөздер тізіміне қосыңыз