Семейде маньяк пайда болды: Полиция мәлімдеме жасады

Семейде тұрғындар арасында маньяк туралы хабарлама тарады, деп хабарлайды POLITICO.KZ Kznews.kz ақпарат агенттігіне сілтеме жасап.

Абай облыстық полиция департаменті жасөспірімдерді өлтірді деген қылмыскер туралы ақпаратты жоққа шығарды.

Хабарлама 17 сәуірде әлеуметтік желілерде тараған. Фейк ақпараттың авторлары белгісіз ер адамның суретін де пайдаланған көрінеді.

«Қазір қалада мұндай оқиға тіркелген жоқ. Тергеу барысында ақпарат расталмады», – деп хабарлады полиция.

Полиция жергілікті тұрғындардан сабыр сақтап, тек ресми ақпаратқа құлақ асуды сұрады. Олар Қылмыстық кодекстің 274-бабында көрiнеу жалған ақпарат таратқандарға айыппұлдан үш жылға дейiнгi мерзiмге бас бостандығынан айыру жазасы тағайындалғанын ескертті.

#адамдар #маньяк #пайда болды #Семей

Пікірлер (0)