Семейде оқушыны аймалаған мұғалім елді шошытты

Семейде оқушы қыздарға ерсі әрекет жасаған ер адам сынға ұшырады, деп хабарлайды POLITICO.KZ. 

Бұл туралы ақпаратты «NeMolchiKZ» қоры мәлімдеді. Қор мәліметінше мұғалім үнемі қыздарды сабақ үстінде сипалап жүрген.

«Мұғалім оқушы қыздың құлағын, мойнын аймалаған. Қыздар өте ұялшақ болды және өздерінің жеке шекараларын қалай қорғау керегін білмеді. Бір күні оның қорлап жатқаны камераға түсіп қалып, мектеп чатына жазылып, жанжал мен шу болған. Олардың айтуынша, директор жай ғана құжаттарын алып кет деген. Сосын ол мектептен шығып кетті», — деп жазды қор өкілдері.

Қазір кейбір балалар оның басқа мектепте жұмыс істейтінін жазып жатыр.