Шерзаттың сотында шу шықты: куәгер қыз әдейі жалған айғақ берген

Куәгер ретінде сұралып жатқан екі қыздың бірі әдейі жалған айғақ берген, деп хабарлайды POLITICO.KZ. 

Бұл туралы прокурор Дана Сәрсенбай айтты. Ол соттан "Шерзат ісі" бойынша басты куәгердің айғақтарына сыни баға беруді сұрады. 

Прокурордың айтуынша, бұған дейін куәгер Эльмира Нұрбекова іс бойынша басты күдікті Абзал Шынасылдың Шерзатты пышақтағанын өз көзімен көргенін айтқан. Алайда куәгер кенеттен айғағын өзгертіп отыр деді прокурор. 

"Нұрбекованың айғақтары әртүрлі. Соттан оның сөздеріне сыни көзқараспен қарауды сұраймын. Мен куәгер әдейі жалған айғақ беріп отыр деп есептеймін", - деді прокурор.

Сот өтінішті ашық қалдырып, шешімді кеңесу бөлмесінде қабылдайтынын айтты.