Шымкентте ер адамды ұрламақ болғандар ұсталды

Шымкентте белгісіз адамдар түнгі уақытта ер адамды ұрламақ болған, деп хабарлайды POLITICO.KZ.

Оқиға куәгерлерінің бірі жағдайды видеоға түсіріп, әлеуметтік желіге жүктеген. Бұл жайт полицияның жедел әрекет етуіне себеп болды.

«Желіде азаматқа қатысты заңсыз әрекеттер жасалған видео тарады. Полиция бұл оқиғаға тез арада жауап қайтарды. Барлық қатысушылардың жеке басы анықталды, көлік табылды, екі күдікті қамауға алынды», – деп хабарлады Шымкент қалалық полиция департаментінің баспасөз қызметі.

Қазіргі таңда күдіктілер тергеу изоляторына қамалды. Зардап шеккен азамат қазір бостандықта, ол тергеушілерге куәлік беріп жатыр. Қылмыстық іс қозғалып, тергеу амалдары жүргізілуде.