«Соңғы той»: Атырауда кісі қолынан қаза тапқан отбасының видеосы тарады
Атырау облысында үй ауласындағы сарайдан жерленген күйде табылған зейнеткерлер Мақсот пен Нәсіптің мерейтойынан түсірілген видео әлеуметтік желіде жарияланды, деп хабарлайды Politico.kz
Бейнежазбада марқұмдар балалары — Мирамгүл мен Наурыздың, сондай-ақ қыздары Ақбаянның жанында бейнеленген. Туыстарының мәліметінше, Ақбаянның күйеуі отбасының қазасына басты күдікті ретінде қарастырылып отыр. Оның діндар болғаны, намаз оқығаны айтылуда. Ал Ақбаян соңғы уақытта жақындарымен сирек байланысқа шыққан.
5 қараша күні отбасы мүшелері бірге жоғалып кеткен. Содан бері олардың тағдыры белгісіз болып келген.
Қазіргі таңда Мирамгүл мен Наурыз әлі де хабар-ошарсыз кеткендер қатарында. Аталған дерек бойынша қылмыстық іс «Адам өлтіру» бабы бойынша тергеліп жатыр.
Соңғы жаңалықтар
