“Сүйектері ұрланды”: Бәзбіреулер бұрынғы президенттің әкесінің қабірін қазып, өрт қойған

Сирияда экс-президенттің әкесінің сүйектері ұрланды, деп хабарлайды POLITICO.KZ. 

Билікті ұлы Башарға бергенге дейін шамамен отыз жыл бойы елді басқарған Хафез Асадтың денесі Кардах қаласындағы Отбасылық кесенеден алынып, белгісіз бағытқа әкетілген.

Экс-президенттің қабірі қазылған бейне әлеуметтік желілерде пайда болды. Кадрларда әскери формадағы бірнеше ер адам Асадтар отбасының қабірінің ішінде тұр. Кейбір құлпытастар жоқ.

Syria TV-дің хабарлауынша, вандалдар Латакия провинциясының қарулы топтарымен байланысты болуы мүмкін.

Бұл отбасы кесенесіне жасалған алғашқы шабуыл емес. 2024 жылдың желтоқсанында, Башар отставкаға кеткеннен бірнеше күн өткен соң, белгісіз адамдар қабірді өртеп жіберді.

Өткен жылдың соңында Сирия армиясы мен оппозициялық құрылымдар арасындағы қақтығыстар кезінде Башар Асад президент қызметінен кетіп, елден кетті.