Таразда жолаушы автобус жүргізушісіне пышақпен шабуыл жасады

10 наурыз 2026, 10:08 746

Таразда жолаушы автобус жүргізушісіне пышақпен шабуыл жасады — Фото: видеодан скриншот

Тараз қаласында жолаушы қоғамдық көлік жүргізушісіне пышақпен шабуыл жасады. Оқиға 9 наурыз күні кешкі сағат 20:00 шамасында №11 бағыттағы қалалық автобуста болған, деп хабарлайдыP Politico.kz.

Әлеуметтік желілерде тараған ақпаратқа сәйкес, мас күйдегі жолаушы автобус жүргізушісінен маршрутты жалғастыруды талап еткен. Алайда рейс уақыты аяқталғандықтан жүргізуші одан бас тартқан.

Осыдан кейін екеуінің арасында жанжал туындап, төбелес кезінде жолаушы жүргізушіні пышақпен жарақаттаған.

Жамбыл облыстық полиция департаментінің мәліметінше, күдікті ізін суытпай ұсталып, уақытша ұстау изоляторына қамалған.

«Жүргізуші ауруханаға жеткізілді. Аталған дерек бойынша сотқа дейінгі тергеу басталды», — деп хабарлады полиция.

Зардап шеккен жүргізуші қалалық көпсалалы ауруханаға жеткізілген. Қазіргі уақытта оның денсаулық жағдайы туралы нақты ақпарат жарияланған жоқ.

автобус Жолаушы Тараз Қылмыс

Бізді Google-дың негізгі дереккөздер тізіміне қосыңыз

Қосу

Таразда жолаушы автобус жүргізушісіне пышақпен шабуыл жасады

Соңғы жаңалықтар