Тоқаев пен Мирзиёев бір-бірін Наурыз мейрамымен құттықтады

Қазақстан президенті Қасым-Жомарт Тоқаев пен Өзбекстан президенті Шавкат Мирзиёев телефон арқылы сөйлесіп, екіжақты ынтымақтастықтың даму қарқынын талқылады, деп хабарлайды POLITICO.KZ.

Мемлекет басшылары бір-бірін келе жатқан Наурыз мейрамымен құттықтап, бауырлас халықтарға бақ-береке тіледі.

Әңгіме барысында Қасым-Жомарт Тоқаев Қазақстан мен Өзбекстан арасындағы стратегиялық серіктестіктің жоғары деңгейде екенін атап өтті.

Екі ел басшылары сауда-экономикалық, инвестициялық және мәдени-гуманитарлық салалардағы әріптестікті одан әрі тереңдетуге ниетті екендерін растады.

Сонымен қатар, алдағы уақытта жоспарланған кездесулердің кестесі талқыланды.

Қазақстан мен Өзбекстан арасындағы қарым-қатынастар соңғы жылдары қарқынды дамып, екі ел Орталық Азиядағы маңызды әріптестерге айналды.