Тоқаев пен Путин телефон арқылы сөйлесті

18 сәуір 2025, 08:23 1335

Тоқаев пен Путин телефон арқылы сөйлесті — Коллаж POLITICO.KZ

Қазақстан мен Ресей басшылары энергетика және ынтымақтастықты талқылады

Мемлекет басшысы Қасым-Жомарт Тоқаев Ресей Федерациясының Президенті Владимир Путинмен телефон арқылы сөйлесті, деп хабарлайды POLITICO.KZ.

Әңгіме барысында екі елдің басшылары Қазақстан мен Ресей арасындағы көпжақты ынтымақтастықтың тұрақты түрде дамып келе жатқанын атап өтті. Президенттер жоғары деңгейде қол жеткізілген уағдаластықтардың орындалу барысын талқылады.

Сондай-ақ, тараптар энергетика саласындағы өзара іс-қимылға ерекше назар аударды.

Халықаралық күн тәртібіндегі өзекті мәселелер бойынша пікір алмасу өтті. Владимир Путин Ресей мен АҚШ арасындағы диалогтың барысына қатысты өз бағасын бөлісті.

Әңгіме соңында қос мемлекет басшылары Мәскеуде өтетін Ұлы Отан соғысындағы Жеңістің 80 жылдығына арналған салтанатты іс-шаралардың маңыздылығын атап өтті. Аталған шараларға Қазақстан Президенті Қасым-Жомарт Тоқаев та қатысады деп жоспарланып отыр.

Президент Путин Ресей Қазақстан Қасым-Жомарт Тоқаев

Бізді Google-дың негізгі дереккөздер тізіміне қосыңыз

Қосу

Тоқаев пен Путин телефон арқылы сөйлесті

Мемлекет басшысы Қасым-Жомарт Тоқаев Ресей Федерациясының Президенті Владимир Путинмен телефон арқылы сөйлесті, деп хабарлайды POLITICO.KZ.

Соңғы жаңалықтар