Тоқаев қыз алып қашу ұлт беделіне нұқсан келтіретін қылмыс екенін айтты

Мемлекет басшысы Қасым-Жомарт Тоқаев Қызылордада өтіп жатқан Ұлттық құрылтайдың V отырысында қыз алып қашуға қатысты өз ойын айтты, деп хабарлайды Politico.kz.

Тоқаев қыз алып қашуды ұлтымыздың беделіне нұқсан келтіретін өрескел әрі жабайы қылмыс деп атады.

«Мұндай қатыгездікке ешқашан жол беруге болмайды. Жыл өткен сайын халықтың сана-сезімі өсіп, қоғамда азаматтық жауапкершілік деңгейі артып келеді. Заңнамалық өзгерістер де соған сай болуы өте маңызды. Заң мен тәртіп бәріне ортақ. Еліміздің әрбір азаматы заң талабын бұлжытпай орындауға тиіс», - деді Тоқаев.

Айта кетейік, жақында Шымкентте студент қызды алып қашқан. Одан кейін сол үйде жыныстық қатынасқа түсуге мәжбүрлеген. Қыздың арызы бойынша қылмыстық іс қозғалып, күдікті қамауға алынды.

Қасым-Жомарт Тоқаев қыз алып қашу қылмыс Ұлттық құрылтай