Тоқаевтың жаңа жарлықтары: Елшілер тағайындалды

ҚР Президенті бірқатар дипломатиялық тағайындаулар жасады

Мемлекет басшысының жарлықтарымен Қазақстан Республикасының дипломатиялық корпусында бірқатар тағайындаулар мен босатулар жүзеге асырылды.

Атап айтқанда:

• Қазақстан Республикасының Түркия Республикасындағы Төтенше және Өкілетті Елшісі Еркебұлан Оңалбекұлы Сәпиевке Қазақстан Республикасының Түркі мемлекеттері ұйымы жанындағы Тұрақты өкілі қызметін қоса атқару міндеті жүктелді.
• Рауан Әбдіманапұлы Жұмабек Қазақстан Республикасының Біріккен Араб Әмірліктеріндегі Төтенше және Өкілетті Елшісі болып тағайындалды.
• Бұған дейін Қазақстан Республикасының Эфиопия Федеративтік Демократиялық Республикасындағы Төтенше және Өкілетті Елшісі болған Барлыбай Кәрімұлы Садықов бұл лауазымнан босатылып, Қазақстан Республикасының Кения Республикасындағы Төтенше және Өкілетті Елшісі, сондай-ақ Найроби қаласындағы Біріккен Ұлттар Ұйымының бөлімшесі жанындағы Қазақстан Республикасының Тұрақты өкілі қызметін қоса атқарушы болып тағайындалды.
• Ал Жалғас Жұмаұлы Әділбаев Қазақстан Республикасының Эфиопия Федеративтік Демократиялық Республикасындағы Төтенше және Өкілетті Елшісі лауазымына тағайындалды.

Сонымен қатар, Мемлекет басшысының Жарлығымен Нажмедин Мұхаметәліұлы Қазақстан Республикасының Біріккен Араб Әмірліктеріндегі Төтенше және Өкілетті Елшісі лауазымынан босатылды.

Мемлекет басшысының өкімімен Василий Сергеевич Лавренов Қазақстан Республикасының Атом энергиясы жөніндегі агенттігі төрағасының орынбасары лауазымына тағайындалды.