Трамп Зеленскиймен әңгімесін жариялады

Трамп Украина президентімен Мюнхендегі келіссөздер жайлы айтты

АҚШ президенті Дональд Трамп Украина басшысы Владимир Зеленскиймен телефон арқылы сөйлескенін мәлімдеді, деп хабарлайды POLITICO.KZ.

"Мен Украина президенті Владимир Зеленскиймен жаңа ғана сөйлестім. Әңгімеміз өте жақсы өтті. Ол да, президент Путин де бейбітшілікті қалайды", – деп жазды Трамп Truth Social желісінде.

Оның айтуынша, келіссөздер барысында соғыс жағдайы мен алдағы кездесу тақырыбы қозғалған. Трамп 16 ақпанда Мюнхенде өтетін жиынға АҚШ делегациясын вице-президент Джей Ди Вэнс пен мемлекеттік хатшы Марко Рубио бастап баратынын айтты.

"Бұл кездесудің оң нәтижелі болатынына сенемін. Біз қантөгісті тоқтататын кезге келдік. Бұл ақымақ соғыс сансыз өлім мен қирауға алып келді", – деп мәлімдеді АҚШ президенті.

Трамп өз сөзін "Құдай Ресей мен Украина халықтарын қолдасын!" деп аяқтады.