Түркістан облысында 7 минуттық бейнероликке 100 млн теңге бөлінген

4 желтоқсан 2025, 15:28 684

Түркістан облысында 7 минуттық бейнероликке 100 млн теңге бөлінген — Фото: ашық дереккөз

Түркістан облысында жеті минуттық тарихи бейнероликке 100 млн теңге бөлінген, деп хабарлайды POLITICO.KZ.

Видео авторының айтуынша, 7 минуттық роликті жасауға «Ұлы Дала Елі орталығы» мекемесі «G7 Exclusive» ЖШС-ға тапсырыс берген.

Видеоролик Қазақстан тарихын ежелгі дәуірден бүгінгі күнге дейін түрлі көркемдік формалар арқылы көрсетуі тиіс.

Бұл көпшіліктің талқысына түсті. Даудан кейін облыс әкімдігі бұл жағдайға қатысты пікір білдірді. Өңір әкімі тексеріс жүргізуді тапсырды.

«Облыс әкімі Нұралхан Көшеров аталған шарттың жасалған жағдайларын жан-жақты тексеруді, соның ішінде қажетті рәсімдердің сақталуын және бюджет қаражатының мақсатты пайдаланылуын қамтамасыз етуді тапсырды», – деп жазылған облыс әкімдігінің хабарламасында.