Ұлттық банк 2000 теңгелік жаңа банкнотты таныстырды

Қазақстан Ұлттық банкі 2000 теңгелік жаңа банкнотты таныстырды. Бұл банкнот "Сақ стилі" сериясының үшінші нұсқасы болып табылады, деп хабарлайды POLITICO.KZ.

"Жаңа банкнот дәстүрлі қазақ орнаментінің бастауы болып саналатын "Сақ стилі" элементтеріне негізделген. Бұл Қазақстанның көшпенді мәдениетінен бастап, заманауи жетістіктеріне дейінгі мұраларын көрсетеді", – деп атап өтті қаржы институты.

Алдыңғы бетінде:

• "Өмір ағашының" бұтағы және қалықтап ұшқан құс;
• ДНҚ спиралі және шексіздік белгісі орнамент ретінде бейнеленген – бұл адамның табиғатпен байланысын білдіреді;
• Артефакт – мүйізді жануардың суреті (молшылық пен байлық белгісі).

Артқы бетінде:

• Сайғақтардың бейнесі және орнаментпен көмкерілген қалқан;
• Қазақтың дөңгелек орнаменті – құндылықтарды қорғау символы;
• Артефакт – сайғақтың басы.

Жаңа банкноттар айналымға 2025 жылдың екінші тоқсанында енгізіледі. Ал ескі дизайндағы купюралар бір жарым жыл бойы қатар қолданыста болады.

Следите за нашими новостями в Google News

Подписаться