«Ұлытауға зымыран бөлшегі құлады»: депутат күтпеген мәлімдеме жасап, дабыл қақты

28 қараша 2025, 11:48 830

«Ұлытауға зымыран бөлшегі құлады»: депутат күтпеген мәлімдеме жасап, дабыл қақты — Фото: видеодан скрин

Ұлытау облысындағы елді мекенге зымыран тасығыштың бөлшегі құлау фактісі жергілікті тұрғындардың алаңдаушылығын туғызды. Парламент мәжілісінің депутаты Ерболат Сатыбалдин осы оқиға туралы баяндап, желіге видеосын жариялады, деп хабарлайды POLITICO.KZ.

Ерболат Сатыбалдин бұл жағдайды ұшу қауіпсіздігінің өрескел бұзылуы деп бағалап, тиісті органдардан дереу әрекет етуді талап етті.

«Ұлытау ауданында зымыран тасығыштың бірінші сатысы құлағаны туралы ақпарат тарап, жекеме де жерлестер жазып жатыр. Тараған бейнежазбаларда қалдықтар елді мекендерге тым жақын түскені анық көрінеді. Бұл – ұшу қауіпсіздігі талаптарының өрескел бұзылуы», – деді депутат.

Еске салайық, 27 қарашада сағат 14:27-де Астана уақыты бойынша «Байқоңыр» ғарыш айлағынан пилотталған «Союз МС-28» зымыран-тасығышы ұшырылды.