Үстінен қылмыстық іс қозғалған Мұқасан Шахзадаев концертте көзге түсті

Алматыда 9 желтоқсанда ақын Олжас Отардың «Ауырмайды жүрек» атты шығармашылық кеші өтті, деп хабарлайды POLITICO.KZ.

Оған қазақ эстрадасының бірқатар өкілдері қатысты.

Кеште сахнада Қайрат Нұртас, , Ернар Айдар, Досымжан Таңатаров, Абай Бегей, Тоқтар мен Бейбіт, Әлішер Кәрімов секілді әншілер өнер көрсетті. Сондай-ақ сахнаға Мұқасан Шахзадаев та шыққан.

Кеш иесінің желіге жүктеген видеосынан Мұқасан Шахзадаевтың сахнада ән айтып тұрған сәтін көруге болады. 

Ал Досымжан Таңатаров пен бірқатар өнер иесі Мұқасанмен түскен суретін бөлісті.

Айта кетейік, бұған дейін Мұқасан Шахзадаев «Нұр-Мұқасан» тобының жаңа әншісін соққыға жықты деп айыпталғаны хабарланған еді.

Кейінірек «Нұр-Мұқасан» тобының әншісі Мұқасан Шахзадаевтың үстінен қылмыстық іс қозғалған еді. 

Араға екі күн салып Мұқасан Шахзадаев әріптесін соққыға жыққаны үшін ұсталғаны хабарланды.
 

Следите за нашими новостями в Google News

Подписаться