"Жаным ашиды": Жәбірленуші Перизат Қайраттың анасына жеңілдік сұрады

Астанадағы атышулы Перизат Қайрат ісі бойынша өтіп жатқан сот отырысында жәбірленуші тарап айыпталушылардың біріне қатысты жеңіл жаза қолдануды ұсынды

Сотта жәбірленуші Садық Олжас Перизат Қайратқа 83 миллион теңге көлемінде қаражатты Газа тұрғындарына көмек ретінде жинап, оны айыпталушының өз қолына тапсырғанын мәлімдеді. Оның сөзінше, ол осы қаражаттың жұмсалу барысын қадағалау үшін Перизат Қайратпен бірге Абу-Дабиге де барған. Алайда, оның айтуынша, ол жерде не ашықтық, не есеп болмаған.

«Біздің азаматтық талабымызды және прокурорлардың ұсыныстарын қолдауды сұраймын. Тек Ғани Алашбаеваға қатысты жеңілдік жасауға болар ма екен деп ойлаймын. Өйткені оған жаным ашиды, қазіргі кезде денсаулығында күрделі мәселелер бар. Мүмкін, оны үйқамақта қалдыруға болар?» — деді Садық Олжас.